Email: info@cipocambodia.org | Phone: (+855) 12 276 595

អង្គការជនជាតិដើមភាគតិចកម្ពុជាចង់ឃើញជនជាតិដើមភាគតិចមានសមត្ថភាព និងសកម្មក្នុងការលើកកំពស់សហគមន៍ជនជាតិដើមភាគតិចឱ្យក្លាយជាសហគមន៍អចិន្តៃ្រយ៍ និង រស់នៅប្រកបដោយសេចក្តីថ្លៃថ្នូរនៅក្នុងសង្គមពហុវប្បធម៌ជាតិកម្ពុជា។

ធ្វើឱ្យប្រសើរឡើងនូវសុខុមាលភាព សិទ្ធិ និង និរន្តរភាពក្នុងការអភិវឌ្ឍន៍ របស់សហគមន៍ជនជាតិដើមភាគតិចតាមរយៈការពង្រឹងស្មារតីជនជាតិដើមភាគតិចឱ្យមានភាពជាម្ចាស់លើដីធ្លី ការគ្រប់គ្រងធនធានធម្មជាតិ ការអភិវឌ្ឍន៍សេដ្ឋកិច្ច និងការអភិរក្សវប្បធម៌ និងប្រពៃណី។

previous arrow
next arrow
Slider

តើ CIPO ជានរណា?

ការយល់ដឹងស៊ីជម្រៅរបស់យើងអំពីបរិបទជនជាតិដើមភាគតិចទាំងនៅមូលដ្ឋាន ថ្នាក់ជាតិ និងសកលបានជួយឲ្យយើងេធ្វើការយ៉ាងមានប្រសិទ្ធភាពក្នុងការផ្លាស់ប្ដូរសង្គមជនជាតិដើមភាគតិចជាវិជ្ជមាន និងមាននិរន្តរភាព។ យើងមានវិធីសាស្រ្តចម្រុះដែលអាចជួយឲ្យយើងមានភាពបត់បែនក្នុងការអនុវត្តឈានទៅសម្រេចបាននូវផលប៉ះពាល់ជាវិជ្ជមាន។ វិធីសាស្រ្តទាំងនោះរួមមាន៖ ការតស៊ូមតិដើម្បីឲ្យមានការធ្វើជំរឿនជនជាតិដើមភាគតិច និងបង្កើតមជ្ឈមណ្ឌលជនជាតិដើមភាគតិច ការសម្របសម្រួលចងក្រងសហគមន៍ ការបង្កើតបណ្តាញ និងកិច្ចសហប្រតិបត្តិការរវាងក្រុមពាក់ព័ន្ធផ្សេងៗគ្នា ផ្ដល់ការគាំទ្រ និងអភិវឌ្ឍន៍អ្នកដឹកនាំជនជាតិដើមភាគតិច កសាង និងពង្រឹងសមត្ថភាពជនជាតិដើមភាគតិច និងសម្របសម្រួលជនជាតិដើមភាគតិចឲ្យទទួលបានជំនួយផ្នែកច្បាប់។ វិធីសាស្រ្តទាំងអស់នេះជួយឲ្យ អ.ជ.ក. អាចអនុវត្តសមកម្មភាពឆ្លើយតបទៅតាមតម្រូវការជាក់ស្តែងរបស់សហគមន៍។

កម្មវិធីស្នូល

IMG_8995

មជ្ឈមណ្ឌលជនជាតិដើមភាគតិច

ដោយសារតែមានគម្លាតរវាងជនជាតិដើមភាគតិច និងការអភិវឌ្ឍ អង្គការជនជាតិដើមភាគតិច (CIPO) បានស្វែងរកការគាំទ្រមតិ និងធ្វើការគាំទ្រដល់រដ្ឋាភិបាលកម្ពុជា ក្នុងការធ្វើជំរឿនជនជាតិដើមភាគតិចឲ្យបានត្រឹមត្រូវ និងគ្រប់ជ្រុងជ្រោយ តាមរយៈការបង្កើតយុទ្ធសាស្ត្រ និងផែនការអភិរក្ស និងអភិវឌ្ឍន៍សហគមន៍ជនជាតិដើមភាគតិចនៅកម្ពុជា។

IMG_7448

បង្កើតបណ្ដាញជនជាតិដើមភាគតិច និងពង្រឹងសហប្រតិបត្តិការ

អ.ជ.ក (CIPO) គឺជាសមាជិកសកម្មរបស់សម្ព័ន្ធជនជាតិដើមភាគតិចនៅកម្ពុជា (CIPA)។ យើងធ្វើការគៀងគរ និងបង្កើតបណ្ដាញជនជាតិដើមភាគតិច និងពង្រឹងកិច្ចសហប្រតិបត្តិការរវាងក្រុមអ្នកពាក់ព័ន្ធផ្សេងៗគ្នាដែលមានគុណតម្លៃ និងបេសកកម្មរួមក្នុងការគាំទ្រសុខុមលភាពរបស់សង្គមជនជាតិដើមភាគតិច។

IMG_6362

កសាង និងពង្រឹងសមត្ថភាពជនជាតិដើមភាគតិច

CIPO កសាង និងពង្រឹងសមត្ថភាពជនជាតិដើមភាគតិច និងសហគមន៍ ដើម្បីឲ្យពួកគេមានសមត្ថភាពពេញលេញ និងមានទំនុកចិត្តចូលរួមក្នុងកិច្ចសន្ទនាសង្គម និងសកម្មភាពអភិវឌ្ឍន៍ ក៏ដូចជា បម្រើជនជាតិដើមភាគតិច និងសង្គមកម្ពុជាទាំងមូល។

IMG_9861

គាំទ្រ និងអភិវឌ្ឍអ្នកដឹកនាំជនជាតិដើមភាគតិច

យើងជឿជាក់លើសមត្ថភាពរបស់ជនជាតិដើមភាគតិច ក្នុងការដឹកនាំដើម្បីបង្កើតឲ្យមានការផ្លាស់ប្ដូរពិតប្រាកដ និងប្រកបដោយនិរន្តរភាពសម្រាប់សង្គមជនជាតិដើមភាគតិច។

ម្ចាស់ជំនួយ